Bi bisita gidatu izango dira asteburuan Azpeitian

Zapatuan, Loiolatik Madalenara egingo dute bisita; igandean, aldiz, Aittolatik Xoxotera. Vicente Davilak gidatuko ditu saioak, eta izen-ematea doakoa bada ere interesatuek aurrez eman beharko dute izena.

Ezkutuko Altxorrak egitasmoaren barruko bi bisita gidatu izango dira zapatuan eta igandean Azpeitian. Lehenik, Loiolatik Madalenara ibilbide historikoa, Loiolakoaren eraginpean izenburupean, Vicente Davilak herriko ondare historikoaren hainbat argibide emango dizkie herritarrei; besteak beste, Loiolako Santutegiaren eta Madalenako baselizaren inguruan gehiago jakiteko aukera izango da. Igandean, berriz, Aittolatik abiatuta Xoxotera joango dira, eta Loiolako Inazio izango dute hizpide bisita horretan, beste hainbat konturen artean.

Bisitetan izen-ematea doakoa da, baina interesatuek aurrez eman beharko dute izena 943-15 18 78 telefonora (Loiolako informazio bulegoa) deituta edo info@tierraignaciana.com helbidera idatzita.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide