Biribilgunea egiteko lanak hasi dituzte gaur Munategin

Hondeamakina bat lanean, Munategin.

Biribilguneaz gain, bi autobus geltoki ere jarriko dituzte Munategin, eta txirrindularientzako bidea egokitzea ere aurreikusten dute.

Gaur, asteazkena, hasi dituzte Munategin biribilgune berria eraikitzeko lanak. 42 metroko diametroa izango duen biribilgune berria eraikiko dute gaur egungo bidegurutzearen gainean, eta hiru adar izango ditu: Basarte industrialdea, Azkoitia eta Azpeitia. Horrez gain, bi autobus geltoki ere jarriko dituzte biribilgunearen bueltan; txirrindularientzako bidea egokitzea ere aurreikusten dute.

Obrek lau hilabete inguruko iraupena izango dutela jakinarazi dute erakundeek, eta trafikoan "unean uneko eragina" izango duela aurreratu dute. Hori horrela, bidegurutzean ohiko mugimendu bat debekatzea posible dela jakinarazi dute. Lanek 499.112,56 euroko aurrekontua dute, eta Excavaciones Peru S.L. enpresak egingo ditu.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide