Pertsona bat zauritu da goizean Elosiagan izan den auto istripuan

05:30 aldean gertatu da ezbeharra. Ibilgailu bat errepidetik atera da eta Zumarragako Ospitalera eraman dute zauriak izan dituen laguna.

Auto bat errepidetik atera da eta pertsona bat zauritu da gaur goizean GI-3740 errepidean, Azpeititik Urraki mendaterako bidean.

Ertzaintzak emandako datuen arabera, 05:30 aldean gertatu da istripua. Elosiagako zuzengunea igarota irten da errepidetik ibilgailua eta barruan zihoan lagun batek zauriak izan ditu. Zaurien neurria ez du zehaztu Segurtasun Sailak, baina Zumarragako Ospitalera eraman dute pertsona hori.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide