Hainbat lagun Munoaundin aritu da egunotan auzolanean

Hainbat herritarrek Burdin Aroko aztarnategiko bi indusketa eremuak babesteko jarritako plastikoa kentzeko lanak egin dituzte egunotan, Aranzadi zientzia elkarteak gidatuta. Elkarteko kideak bihar hasiko dira bertan lanean. Dena den, ez dute ohiko jardunik egingo aurtengoan.

Atzo eta gaur auzolanean aritu da hainbat lagun Azkoitia eta Azpeitia artean dagoen Munoaundi herri harresituan. Burdin Aroko aztarnategia da Munoaundikoa, eta han dauden bi indusketa eremuak babesteko jarritako plastikoa kentzeko lanak egin dituzte egunotan Aranzadi zientzia elkarteak gidatuta. Gainera, eremua ezagutzeko aukera izan dute herritarrek.

Behin prestaketa lanak eginda, bihar hasiko da Aranzadi bertan lanean. Dena den, aurtengoan ez dute ohiko ekinaldia egingo; izan ere, koronabirusaren osasun krisia dela eta, ezinezkoa zaie protokoloak betetzea. Indusketak normaltasunez egin ezin dituztenez, egingarriak diren "gutxieneko" lanak gauzatuko dituzte.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide