Ia zortzi puntu jaitsi da parte hartzea Gipuzkoan arratsaldeko zenbaketaren arabera

Eusko Legebiltzarrerako hauteskundeetan izaten ari den parte hartze datuen berri eman du Eusko Jaurlaritzak. Arratsaldeko datuen arabera, Gipuzkoan izaten ari den parte hartzea 7,8 puntu baxuagoa da 2016. urtean izandako hauteskundeekin alderatuta.

Eusko Legebiltzarrerako hauteskundeetan 17:00ak bitartean izandako parte hartze datuak eman berri ditu Eusko Jaurlaritzak. Estefania Beltran de Heredia Segurtasun sailburuaren arabera, Araban, Bizkaian eta Gipuzkoan botoa emateko eskubidea duten herritarren %36k eman dute botoa 17:00ak baino lehen; hau da, 2016. urteko datuekin alderatuta 8,4 puntu jaitsi da parte hartzea hiru lurralde horietan.

Parte hartze kopurua hiru lurraldeetan jaitsi bada ere, Gipuzkoakoa da parte hartze daturik altuena momentuz. Izan ere, Gipuzkoan erroldatutakoen %36,7k eman dute botoa, Bizkaian erroldatutakoen %36,4k eta Araban erroldatutakoen %33,2k. Gipuzkoan 7,8 puntu jaitsi da parte hartzea 2016tik, Bizkaian 8,5 eta Araban 9,3.

Beltran de Herediak 21:00etan egingo du berriro agerraldia, eta hiru lurraldeetako emaitza errealen berri emango du orduan.

Erlazionatuak

Parte hartzea bi puntu jaitsi da Gipuzkoan eguerdiko zenbaketan

Politika

Eusko Legebiltzarrerako hauteskundeetan izaten ari den parte hartze datuen berri eman du Eusko Jaurlaritzak. Datu hauen arabera, Gipuzkoan izaten a...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide