Koronabirusa Azpeitian

Urola Erdiko Mankomunitateak martxan jarri du berriro sarbide kontrola

Astelehenean, ekainak 1, itxiko dituzte edukiontziak Azpeitian. Ekarpen guneak, aldiz, ekainaren 8an itxiko dituzte, eta txartela beharko da bertara sartzeko.

COVID-19 gaitzak behartuta, hondakinen bilketan hainbat aldaketa iragarri zituen Urola Erdiko Mankomunitateak pandemia hasi zenean, eta apurka-apurka bada ere, zerbitzuak koronabirusaren aurreko egoerara egokitzen ari dira. Maiatzaren 6an hainbat zerbitzu berreskuratu zituen mankomunitateak, eta ekainaren 1etik aurrera beste hainbat aldaketa egingo ditu. Hain zuzen ere, datorren astelehenetik aurrera sarbide kontrola ezarriko dute berriro, eta Azpeitiko edukiontziak itxi egingo dituzte; ekarpen guneak, aldiz, ekainaren 8an itxiko dituzte. Beraz, herritarrek txartela beharko dute ekarpen guneetara sartzeko edo hondakinak gaika uzteko.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide