#EtxetikMundura

Deñe Garcia-Bravo, etxetik mundura

Deñe Garcia-Bravo abeslariaren txanda da gaurkoan. Izan ere, azpeitiarrak hainbat abestiko kontzertua eskaini du gaur, astelehena, #EtxetikMundura saioan, gitarraz eta pianoz lagunduta. Garcia-Bravorena ez da, baina, Urola Komunikazio Taldeko (UKT) tokiko hedabideetan eskaini den saio bakarra: Baleike.eus-en Josu Waliñoren ipuin kontaketa saioaren, Maxixatzen.eus-en Andrea Pozoren zein Jose Mari Unanueren emanaldiaren eta Zarauzkohitza.eus-en Yoseba Peña idazlearen liburu gomendioen bideoak ikusi daitezke.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Uztarria.eus-ek, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide