#EtxetikMundura

Ekain Ibarguren pailazoaren ikuskizuna, etxetik mundura

Ekain Ibarguren pailazoak ikuskizun labur bat eskaini du gaur, igandea, #EtxetikMundura saioan. Bertan, eskujokoak egin ditu Ibargurenek. Hala eta guztiz ere, ez da Urola Komunikazio Taldeko (UKT) tokiko hedabideetan eskaini den saio bakarra Ibargurenena: Baleike.eus-en Marlik musika taldeak kontzertua eman du, Karkara.eus-en Iratz eta Imanol Urkizuk kontzertua eskaini dute, Maxixatzen.eus-en Lurdes Sudupek hainbat liburu gomendatu du eta Zarauzkohitza.eus-en Martin Etxeberriak olerkiak errezitatu ditu.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Uztarria.eus-ek, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide