Beasaingo Herri Lasterketa irabazi du Aitor Mimenzak

Aitor Mimenza Azpeitiko bizilagunak Beasaingo Herri Lasterketa irabazi zuen atzo, igandea. Irabazi ez ezik, probako errekorra hautsi zuen elorriotarrak: 43 minutu eta 45 segundo behar izan zituen hamalau kilometroko proba amaitzeko –ia minutu bat hobetu zuen aurretik ezarrita zegoen marka–. Hainbat azpeitiarrek ere parte hartu zuten, eta horietako batek podiumera igotzeko aukera izan zuen; izan ere, Maider Korta hirugarren helmugaratu zen (57:42). Argazkian, Mimenza helmugara iristen. (Goierriko Hitza)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide