Karnabalak 2020

Kolorez, dantzaz eta festaz jantzi dira herriko ikastetxeak

Ostiral Mehe da gaur, eta beraz, ez da ohiko eskola eguna izan Azpeitiko ikastetxeetan. Batzuk goiz eta arratsaldez, eta arratsaldez guztiak, karnabaletan murgildu dira herriko ikasleak. Urtero legez, eta eguzkiak lagunduta gaurkoan, mozorro koloretsuz eta dantzaz bete dituzte ikastetxeetako jolastokiak eta gainerako txokoak ikasleek, eta gozatua hartu dute haien ikuskizunak ikustera joandako guraso, senide eta lagunek, Azpeitiko Ikastola Karmelo Etxegaraik eta Iraurgi Ikastetxeak utzitako irudiotan ikus daitekeenez.

Azpeitiko Ikastola Ikasberrikoek, berriz, 18:30etik aurrera kalera aterako dute beren euskal inauterien jaialdia.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide