Urkulu urtegira eta Aretxabaletara mendi irteera antolatu du Baigerak

Urkulu urtegiaren irudi bat.

Otsailaren 22an egingo dute mendi irteera, eta otsailaren 20ra bitartean eman ahal izango da txangorako izena, Baigeraren bulegoetan. Irteeraren egunean, 09:00etan abiatuko da autobusa Urkulura, eta 13:00etan aterako da itzulerako autobusa Aretxabaletatik.

Urkuluko urtegira eta Aretxabaleta ingurura mendi irteera antolatu du Baigera jubilatuen elkarteak otsailaren 22rako. Dagoeneko zabaldu dute irteerarako izena emateko epea; hain zuzen ere, otsailaren 20ra arte egongo da irekita. Baigeraren bulegoan egin beharko da inskripzioa. Hilaren 22an, larunbatez, San Martin egoitzaren aurretik aterako da autobusa 09:00etan. Mendi buelta egindakoan, Aretxabaletako Basabe jatetxean egingo dute hamaiketakoa, eta Azpeitira itzultzeko autobusa 13:00etan aterako da Aretxabaletatik. Txangora joan nahi dutenek hamabost euro ordaindu beharko dute.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide