Zezen txikiak eta sokamuturraren aurkako aldarriak izan dira goizean

Eguraldi bikaina lagun, dozenaka herritarrek parte hartu dute gaur, igandea, sokamutur txikian. 12:00 inguruan Erdikaletik plazara joan da sokako zezen txikia, eta ondoren, Zelai Luze ganadutegiko zezen txikiak eta poniak atera dituzte plazara. Arratsaldean ere festa giroa izango da nagusi herrian, 16:30etik 20:00etara sokamuturra izango baita herriko kaleetan zehar; Bergarako Zezenak ganadutegiko zezenak izango dira ikusgai arratsaldean.

Zezenez gain, animalien askapenaren aldeko oihuak ere izan dira protagonista gaur plazan, Oinatz Talde Animalistak elkarretaratzea egin baitu kioskoan, eta zezenak zelaietara eta tortura ez da kultura bezalako aldarriak oihukatu dituzte bertan. Arratsaldean ere sokamuturraren aurkako elkarretaratzea deitu du Oinatzek, 16:30etik 18:30era bitartean.

Hona hemen goizeko sokamuturreko argazki bilduma:

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide