Urola Ikastola BHIk Kudeaketa Aurreratuaren diploma jaso du

Urola Ikastola BHIk Kudeaketa Aurreratuaren diploma jaso zuen atzo, asteazkena, Gasteizko Europa jauregian. Eusko Jaurlaritzak banatzen dizkie diploma horiek kudeaketa aurreratuaren bidean lanean ari diren enpresei eta erakundeei, Euskalit bikaintasunerako euskal fundazioaren eskutik, eta atzokoan beste hainbat erakunderekin eta enpresarekin batera jaso zuen aitortza Urola Ikastolak. Horien artean da Zilarrezko A Kudeaketa Aurreratuaren saria jaso duen Zumarragako Ospitalea; izan ere, bertako zuzendari Laura Agirre azpeitiarrak jaso zuen aitortza atzoko ekitaldian.

Euskaliten helburua da Araba, Bizkai eta Gipuzkoako erakunde aurreratuenak identifikatzea, sare sozioekonomikoa kudeaketa aurreratua lehiakortasunaren "funtsezko elementu" gisa ezartzearen garrantziaz sentsibilizatzeko eta erakundeen emaitzak hobetzeko. (Argazkiak: Urola Ikastola eta Euskalit)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide