Gaur, Santa Luzia egunean, hasi dituzte Elosiagako festak. Goizean, suziri eta kanpai hotsekin ekin diete jaiei, eta ondoren, 11:00etan, meza izan da Santa Luzia elizan. Ondoren, Lidia eta Hitzeder trikitilariek alaitu dute giroa, eta 11:45ean hasita, hamaiketakoa izan da Añota Sagardotegian. Giro ederra nagusitu da bertan; 50 lagun inguru elkartu da bertan.
Bihar jarraituko dute Elosiaga auzoko jaiek, eta igandean amaituko dituzte festak. Hona hemen datozen egunetako egitaraua:
Abenduak 14, zapatua
Goizean, suziriak botako dituzte.
Ondoren, Lidia eta Hitzeder trikitilarien emanaldia.
12:00. Pilota partidak.
13:00. Herri kirol erakustaldia.
14:30. Bazkaria, Añota sagardotegian.
Gero, magoen emanaldia.
Abenduak 15, igandea
14:00. Kantu zaharren bazkaria, Añotan.