Elosiagako frontoiko zorua berritu du Udalak

Azpeitiko Udalak Elosiagako frontoiko lurra berritu du. Denon Artean prozesuaren barruan jaso zuen udalak Elosiagako frontoia berritzeko auzotarren eskaera, eta horri erantzunez berritu dute lurra. "Auzoetako bizitza hobetzeko neurriak hartzen ari gara azken urteotan. Frontoiek estimu handia izan ohi dute auzoetan, eta orain, frontoia berrituta dute Elosiaga auzoan", adierazi du Aitor Bereziartua zinegotziak. Frontoiko zorua berritzeko aurrekontua 6.026,77 eurokoa izan da. Iaz Elosiagako frontoiko hormak konpondu eta margotu zituen udalak.

(Argazkia: Azpeitiko Udala)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide