Juan Mari Ibarzabalek bi sari jaso ditu Zaragozako argazki lehiaketa batean

Juan Mari Ibarzabal argazkilariak bi sari jaso ditu Zaragozako Argazkilaritza Errege Elkarteak antolatutako 95. Salon Internacional de Otoño lehiaketan. Sormen Argazkien sailean, Espainiako Argazki Konfederazioaren ohorezko aipamena jaso du Entre rejas argazkia tarteko. Ardoari lotutako sailean, berriz, Entre luces argazkia tarteko jaso du Nazioarteko Argazkilaritza Federazioaren ohorezko aipamena. 36 herrialdetako 140 argazkilarik parte hartu dute aurtengo sariketan, eta 1.858 argazki aurkeztu dituzte horiek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide