Atzo, asteartea, egindako ezohiko udalbatzarrean, besteak beste, Uztarria Komunikazio Taldearen, Urola Kostako Hitzaren eta Erlo Telebistaren dirulaguntza zuzenak arautzeko hitzarmenak izan zituzten hizpide. Udalean ordezkatuta dauden bi alderdiek –EH Bilduk eta EAJk– aho batez onartu zuten Azpeitiko Udalak eta hiru hedabideek urtebeterako hitzarmena sinatzea eta komunikabide horiek diruz laguntzea. Hitzarmenak tarteko, Uztarria Komunikazio Taldeak 31.586,26 euro jasoko ditu urtero moduan, eta bestelako produktuak kaleratzeko 2.463 euro eskuratuko ditu. Urola Kostako Hitzak 27.000 euro jasoko ditu, eta 6.000 euro Erlo Telebistak.