Jone Urkizuk Desafio Cantabria proba irabazi du

Jone Urkizu azpeitiarrak Desafio Cantabria lasterketaren VII. edizioa irabazi du asteburuan. Ehunka kirolarik parte hartu zuten larunbat gauerdian hasi zen proban. Horiek 86 kilometroko ibilbidea egin zuten San Vicente de la Baquera eta Espinama herrien artean, eta emakumeetan Urkizu izan zen helmugaratzen aurrena. Azpeitiarrak 15 ordu eta 19 minutu behar izan zituen proba egiteko, bigarren sailkatuak baino 49 minutu gutxiago, hain zuzen ere. Bigarren egin zuen Ana Pilar Cayonek (16 ordu eta 8 minutu), eta Maria Fernandez sailkatu zen hirugarren (16 ordu eta 26 minutu).

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide