Pertsona bat aurkitu dute hilda Izarraizko harrobian

Izarraizko harrobiko artxibo irudia.

Mendian zebilen herritar batek aurkitu du gorpua harrobian, eta berak eman du abisua, 10:00 aldera. Abisua jaso orduko, Ertzaintzaren erreskate taldekoak eta suhiltzaileak bertaratu dira lekura. Ertzaintzak Uztarriari jakinarazi dionez, aurkitutako gorpua identifikatu gabe dute oraindik.

Azkoitia eta Azpeitia artean dagoen Izarraizko harrobian pertsona bat aurkitu dute hilda gaur goizean. 10:00 aldera jaso dute abisua ertzainek, eta orduan bertaratu dira Ertzaintzaren erreskate taldekoak eta suhiltzaileak. Ertzaintzak Uztarriari adierazi dionez, medikuak tokian bertan ziurtatu du aurkitutako pertsona hilda zegoela. Gorpua identifikatu gabe dute, eta heriotzaren arrazoiak ikertzen ari dira.

Mendian pasieran zebilen herritar batek aurkitu du gorpua Izarraizko harrobian, eta berak eman du abisua Ertzaintzan. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide