Basazabal jauregian bisita gidatua egiteko aukera izango da igandean

Bisitariak Basazabalen, martxoan egin zuten beste saio gidatu batean.

12:00etan hasiko da Ezkutuko Altxorrak egitasmoaren barruan egingo duten bisita. Parte hartu nahi dutenek ordurako bertara agertzea besterik ez dute.

Basazabal jauregia ezagutzeko parada izango da igande honetan, Ezkutuko Altxorrak egitasmoaren barruan antolatu duten bisita gidatuarekin. Eraikinaren nondik norakoak ezagutzearekin batera, "Azpeitiaren historiaren une garrantzitsu askoren berri izateko aukera" ere izango dela azaldu dute antolatzaileek.

12:00etan jarri dute bisita gidatua egiteko hitzordua. Aurrez izena eman beharrik ez dago; parte hartu nahi dutenek nahikoa izango dute ordurako azaltzea.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide