Donosti Cupen Azpeitiko azken jardunaldia jokatu dute

Donosti Cup futbol txapelketaren partidak hartu ditu joan den astelehenetik gaur arte Garmendipeko belar artifizialezko zelaiak. Guztira, 32 neurketa jokatu dituzte Azpeitian. Lagun Onaken mutilen bi talde ere lehiatu dira Garmendipeko partidetan: 2005ean jaiotakoek 0-3 galdu zuten astelehenean Lleidaren kontra, eta 2006an jaiotakoek ere galdu egin zuten, atzo, Añorgaren kontra (1-2). Hainbat herrialdetako taldeak igaro dira lau egunotan Azpeititik. Argazkietan, esaterako, Madrid CFF eta San Diego Surf taldeen arteko partidaren irudiak ikus daitezke; 0-1 nagusitu da AEBetako taldea.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide