Jabier Larrañaga eta Eider Mendoza, Gipuzkoako Foru Aldundi berrian

Jabier Larrañaga.

Larrañagak Ogasuneko eta Finantzetako diputatu izaten jarraituko du. Mendozak, aldiz, kargua estreinatuko du: Gobernantza departamentuaren arduraduna eta aldundiaren bozeramailea izango da Azpeitian jaiotako hondarribiarra.

Gipuzkoako Foru Aldundi berriak bihar ekingo dio 2019-2023 agintaldiari, bi diputatu azpeitiarrekin. Jabier Larrañaga eta Eider Mendoza.

Herenegun izendatu zuten Batzar Nagusiek Markel Olano ahaldun nagusi, eta bihar Foru Gobernu berria eratzeko batzarra egingo dute. Bertan hartuko dituzte dagozkien karguak diputatu berriek. Larrañagak (Azpeitia, 1972) bigarren agintaldia hasiko du Ogasuneko eta Finantzetako departamentuko diputatu karguan. Mendozak (Azpeitia, 1974), berriz, diputatu kargua estreinatuko du: aurreko agintaldian Batzar Nagusietako presidente izan ondoren, bihartik aurrera Gobernantza departamentuaren buru izango da Gipuzkoako Foru Aldundian, eta erakundearen bozeramailea ere izango da. hari egindako elkarrizketa irakur daiteke 2017ko abenduko Uztarria aldizkarian.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide