Basazabal jauregian afaria, Azpeitia Txartelarekin erosketak egiteagatik

Joan den maiatzean herriko saltokietan Azpeitia Txartelarekin erosketak egiteagatik, hamar afari bikoitz zozkatu zituen bezeroen artean Bertan Azpeitiko merkatari elkarteak, eta lehiaketako saridunek Basazabal jauregian izan zuten afari berezi haietaz gozatzeko aukera, zapatuan. Kiruri jatetxeak prestatutako otordua dastatu ahal izan zuten sariaren irabazleek, Naiara Larrañagak apaindu zuen gunea, eta horrez gain, Enekora musikariaren doinuek girotu zuten afaria.

Azpeitia Txartela erabiltzeak sariak irabazteko aukera ematen du hilero: afariak, otarreak... Gainera, saltoki batzuetan deskontuak eskaintzen dituzte hurrengo erosketetarako. Azpeitia Txartela eskuratu nahi duenak Bertan elkarteko saltokietan, elkartearen bulegoan (Enparan kalea, 1-1) edota Rural Kutxako bulegoan (Foru Ibilbidea, 10) nahiz Azpeitia Txartelaren webgunean lor ditzake eskaera-orriak.

(Argazkia: Bertan merkatari elkartea)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide