Udal eta foru hauteskundeak 2019

Hasi dira botoak kontatzen

20:00etan itxi dituzte herriko hemezortzi hautes mahaiak, eta dagoeneko hasi dira horietan botoak zenbatzen. Lehenik Europako hauteskundeetako botoak kontatuko dituzte; gero udal bozetakoak; eta azkenik, foru hauteskundeetakoak. Dena den, jakinaraziko dituzten lehen emaitzak udal hauteskundeetakoak izango dira; horiek 21:00etan hasiko dira ematen. Ondoren esango dituzte foru eta Europako bozetako datuak, 22:00etatik aurrera eta 23:00ak pasatuta, hurrenez hurren.

18:00etakoa da jakinarazi duten parte-hartze datua: herritarren %56,12k eman dute botoa ordu horretara bitartean.

Uztarria.eus-ek datozen orduetan emango du gaurko hauteskundeen emaitzen berri.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide