Udal eta foru hauteskundeak 2019

18:00ak bitartean, erroldaren %56,12k eman du botoa

Urrestillako hauteslekuko irudia.

Azpeitian botoa ematera deituta zeuden herritaren %56,12k eman dute udal hautetsiak aukeratzeko botoa; hau da, 6.306 herritarrek. 2015eko udal bozetan, erroldaren %51,63k eman zuten botoa ordu horretara bitartean, eta beraz, 4,49 puntu igo da parte-hartze datua.

Espainiako Barne Ministerioak 18:00etan jakinarazi ditu udal, foru eta Europako hauteskundeetako eguneko bigarren parte-hartze datuak. Azpeitian botoa ematera deituta zeuden herritaren %56,12k eman dute udal hautetsiak aukeratzeko botoa ordu horretara bitartean; hau da, 6.306 herritarrek. 2015eko udal bozetan, erroldaren %51,63k eman zuten botoa 18:00etara bitartean, eta beraz, nabarmen igo da parte-hartze datua: hain zuzen ere, 4,49 puntu hazi da. Eguerdian, %41,95 zen parte-hartze datua.

Foru hauteskundeetako parte-hartze datuak ez dituzte jakinarazi oraindik; Europakoak bai, ordea. Ikaragarri igo da Europako bozetako parte-hartzea: botoa ematera deituta zeudenen %55,52k eman dute botoa 18:00etara bitartean. Duela bost urte izan ziren azkenekoz Europako hauteskundeak, eta orduan, %34,49k eman zuten botoa arratsaldera bitartean. Beraz, 21,03 puntu hazi da parte-hartzea.

Azpeitian 11.327 herritarrek dute botoa emateko aukera, eta horiek 20:00ak arte izango dute bozkatzeko aukera, orduan itxiko baitituzte hauteslekuak. Ondoren hasiko dira bozak kontatzen: lehenik Europako hauteskundeetakoak zenbatuko dituzte; herrietakoak gero; eta foru bozetakoak azkenik. Uztarria.eus-ek datuen berri emango du gaur egun osoan zehar, baita gauean ere.

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide