21. Korrika

Jendetzak parte hartu du 21. Korrikan Azpeitian

Azkoititik iritsi da Azpeitira 21. Korrika 09:15 inguruan. Loiola igaro, Loiolako etorbidetik Etxebeltz-Izarratik Sanjuandegira pasatu eta handik Jose Artetxetik eta Foru Ibilbidetik zehar Alde Zaharrera sartu da. Kalerik kale jendetza biltzen joan da Korrikan; haur, heldu eta gazte, ehunka herritarrek egin du bat AEK-k antolatutako euskararen aldeko ekimenarekin. Eskuz esku dozenaka eragilek eraman dute lekukoa. Alde Zaharrean ibili ostean, Zestoarako bidea hartu du Korrikak. Segidan, ikastetxeetako ikasleek Korrika Txikia egin dute Alde Zaharrean.

(Argazkiak: Uztarria eta Arnaitz Rubio Aprea)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide