Xaputarrak B taldea igoera fasera sailkatu da

Joan zen larunbatean Kutxa Xake Ligako bederatzigarren jardunaldia jokatu zuten hainbat taldek. Bigarren Mailako igoera faseko partidak Baigeran jokatu zituzten Azpeitiko Xaputarrak A taldeko kideek, eta horiek 2 eta 2 berdindu zuten Billabona B taldearen kontra. Aitor Priyak eta J. Andres Perezek irabazi egin zituzten jokatutako partidak, eta Patxi Isasmendik eta Eneko Alberdik galdu. Emaitza horiekin, igoera faseko zazpigarren postuan da Xaputarrak A taldea, zortzi punturekin.

Hirugarren mailako Xaputarrak B taldeak, berriz, Eibarren neurtu zituen indarrak Eibar B taldearen kontra. 1,5 eta 2,5 irabazi zuten lehia azpeitiarrek; Aitor Elustondok eta Cristian Cretuk partidak irabazi egin zituzten, Migel Angel Gomezek berdinketa lortu zuen eta Iñaki Urangak galdu egin zuen. Emaitza horiek lortuta, igoera fasera sailkatu dira Xaputarrak B taldeko kideak.

Datorren zapatuan Donostian neurtuko dituzte indarrak bi taldeek. Xaputarrak A taldeak Gros F taldearen kontra jokatuko dute, eta Xaputarrak B taldeak Gros I taldearen aurka.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide