Karnabalak 2019

Giro ezin hobea, Astearte Karnabal goizeko dianan eta sokamuturrean

Karnabaletako azken eguna da gaurkoa, eta ohi bezala, diana eta sokamuturra izan dira goizean goiz. 06:15ean, Udal Musika Bandaren eresiarekin piztu da eguna, eta 06:45ean, zezenaren irteera girotzen aritu dira Izarraitz txistulari taldea eta Udal Musika Banda, Plaza Txikian. 07:00etan, berriz, sokamuturra izan da, Erdikalean hasita. Astelehenetik etxera joan gabe mozorrotuta zeudenak izan dira kalean ziren gehienak, baina baziren zenbait goiztiar ere haien artean. Urtero bezala, giro paregabea sortu da kalean. Erlo Telebistak grabatutako bideoa da honakoa.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide