Karnabalak 2019

Erdikaleko eromena, zezena irten aurretik

Jai Karnabala giro ederrean ospatzen jarraitzen dute azpeitiarrek. Eguerdiko txikiteoaren ondoren, bazkalondoan etorri da eguneko unerik nagusienetakoa: arratsaldeko sokamuturraren irteera. 16:30ean atera da lehen zezena Erdikale barrenean jarritako kamioitik, baino askoz lehenagotik bete-bete zegoen kalea, eta kantuan eta dantzan ibili da dozenaka lagun. Une horien lekuko dira Alberto Belokik grabatu dituen hiru bideo hauek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide