'Mikrouhinak' saioa

Gorka Urbizuri elkarrizketa, Berri Txarrakek Azpeitian eskainitako azken kontzertuaren atarian

Musikazale askoren gogoan iltzatuta geratuko da atzoko gaua. Izan ere, Berri Txarrak musika taldeak magiaz bete zuen Sanagustin kulturgunea, Azpeitian eskainitako azken kontzertuan. Ehunka lagun dardarka, saltoka, oihuka eta txaloka, Gorka Urbizu buru duen taldeari 'ikusi arte' esaten. Kontzertuaren aurretik Urbizurekin solasteko aukera izan zuten Kulturaz kooperatibak, Uztarriak eta Urola Kostako Hitzak. Haren adierazpenekin nahiz Berri Txarrakek eskainitako kontzertuko irudiekin Mikrouhinak bideo sortarako egindako bideoa da honako hau. 

Etenaldi mugagabearen aurretik egiten ari den Ikusi Arte Tour 2019 biraren barruan eskaini zuen atzoko kontzertua Berri Txarrakek. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide