Areto dantzek eta gerri mugimenduek hartu dute Sanagustingo dantzalekua

Atzo gauean, dantzaleku bilakatu zen Sanagustin kulturgunea beste aldi batez. Sanagustin Dantzaleku egitasmoaren urteko lehen saioa izan zen atzokoa, eta jende ugari bertaratu zen kulturgunera areto dantzez gozatzera. Salsa, bachata, kizomba eta txa-txa-txa doinuez gozatu eta horiekin gorputzak dantzan jarri zituzten bertaratu zirenek. Dantzariak ikustera ere herritar ugari animatu zen. Hilean behin, ostiraletan, bilakatzen dute Sanagustin kulturgunea dantzaleku. Dena den, oraindik ez dituzte zehaztu datozen hilabeetako datak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide