Konponduta itzuli dute kanpaia parrokiako kanpandorrera

Soreasuko Sebastian Donearen parrokiko kanpandorreak kanpai guztiak bertan ditu berriro joan den ostiraletik. Joan den irailaren 27an, konpontzera eramateko jaitsi zuten kanpandorretik elizkizunak iragartzeko erabiltzen duten kanpaia; pitzadurak zituen kanpaiak eta Kantabriako (Espainia) lantegi batera eraman zuten haiek konpontzera.

Bi hilabeteren ondoren, ostiral goizean jaso zuten atzera kanpandorrera eraberritutako kanpaia; Iñaki Aizpuru Perraxek utzitako irudiekin osatutako bideoan ikus daiteke kanpaia bere tokira itzultzeko jarraitu zuten prozedura. Beheko argazkietan, berriz, kanpaiak konpondu aurretik zuen itxura eta konpondu ondoren duena ikus daiteke.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide