Edukiontziak irauli dituzte Garmendipe futbol zelaiaren parean

Artzubia kalean, ezezagun batzuek irauli eta errepidera atera dituzte Glual enpresaren garai bateko egoitzaren aurrean eta Garmendipe futbol zelaiaren parean jarrita dauden hondakinentzako edukiontziak. Udaltzaingoak jakinarazi duenez, 08:30 aldean jaso dute abisua eta edukiontziak baztertu egin dituzte, argazkian agertzen den gisan utziz, hondakin bilketaren arduradunei abisua pasatuta.

Bestalde, bart gauean bertan Iñaki Azpiazu kalean zuhaitz bati kalteak eragin dizkiotela ere jakinarazi du Udaltzaingoak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide