Ekainaren 10eko giza katea

Mundu zabaletik keinua giza kateari

Gure Esku Dagok antolatutako atzoko giza katean azpeitiar gehienak Getaria eta Zumaia arteko errepidean egon baziren ere, badira mundu zabalean egitasmoari keinua egin dioten herritarrak. Azpeitiko lagun talde bat, esaterako, Norbegian da, eta atzo Bergenen giza katea irudikatu zuten. Beste bikote batek, berriz, giza katearekin bat egin zuen Tailandian.

Herritarrek bidalitako bideo laburrekin egindako laburpen bideo bat jarriko du sarean Uztarriak gaur. Eskerrik asko zuen argazkiak bidali dituzuen herritarroi! Webgunean sortutako bildumetara zuen irudiak gehitzerik nahiko bazenute, bidali mezu bat uztarria@gmail.com helbidera.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide