'Orainaldiko hiritarrak' erakusketa ikusgai, Sanagustin kulturgunean

Ikusgai da jada Pep Requejo argazkilariaren Orainaldiko hiritarrak erakusketa, Sanagustin kulturgunean. 20 argazkik osatzen dute bilduma, eta inpirazioa sekuentzia arloan eragin nabarmena izan duten Duane Michals (Pensilvania, AEB, 1932) eta Jürgen Klauke (Kidling, Alemania, 1943) argazkilarietan bilatu du. Requejoren ustetan egungo argazkigintzaren eta haren filosofiaren ordezkari nagusienetakoak direnak. 

Requejok adierazi duenez, "argazkiekin nire eta besteon emozioen ikuspegia sortzen saiatzen naiz, ikuspegi fotografikoaren bitartez. Gainera, ikusleei informazioa osatzeko aukera ematen diet, dauden hutsuneak betetzeko ariketa eginez". 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide