Euskal Antzerki Topaketak 2016

Perez Arregi plazan eskainiko dute 'L'Entresort' antzezlana

Bihar, azaroak 1, hasiko dira XXXIV. Euskal Antzerki Topaketak, eta L'Entresort antzezlana izango da eskainiko duten aurreneko obra. Ikuskizuna plazan eskaintzekoak ziren, baina gaur azoka eguna denez, eta antzezlanerako muntaiak denbora eskatzen duenez, Perez Arregi plazan eskainiko dute L'Entresort. Gaur, astelehena, goizean hasi dira muntaketa lanekin (argazkian).

Bihar, bi aldiz eskainiko dute antzerki obra, 17:00etan eta 19:00etan. 7 urtetik gorako haurrei zein helduei zuzenduta dago L'Entresort, eta side showaren mundura gerturatzen duen tragikomedia da. 

Sarrerak leihatilan izango dira salgai. Helduek bost euro eta 14 urte bitartekoek 3 euro ordaindu beharko dute sarrerako. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide