Oraindik izena eman daiteke gaztetxoen udako igeriketa ikastaroan

Uztailaren 1etik 21era bitartean izango da ikastaroa, Kirol Patronatuak antolatuta. Oraindik plazak gelditzen dira 7 eta 13 urte bitarteko gaztetxoentzat, eta inskripzioak igerilekuan bertan egin beharko dira. 

Kirol Patronatuak ume eta gaztetxoei zuzendutako igeriketa ikastaroa antolatu du, udako. Ikastaroa 4 urtetik 7 urtera bitarteko umeentzat eta 7 eta 13 urte bitarteko gaztetxoentzat da eta uztailaren 1etik 21era bitartean egingo dira saioak. Dagoeneko ez dago plazarik 4 eta 7 urte bitarteko umeentzat, baina 7 eta 13 urte bitartekoek izena eman dezakete oraindik. Inskripzioak igerilekuan bertan egin beharko dira eta ez dira telefonoz egindakoak onartuko. 

Ikastaroen ordutegiak adinaren araberakoak izango dira: 7 urtetik 13 urte bitartekoak 09:00etan hasiko dituzte saioak eta 4 eta 7 urte bitartekoek, aldiz, 10:00etan. Kirol Patronatuko bazkideek 52,50 euro ordaindu beharko dute ikastaroa eta bazkide ez direnek,berriz, 91,91 euro.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide