Lourdes Oñederraren 'Intemperies' aztertuko dugu Literatura solasaldian

Gaur, astelehena, 18:00etatik aurrera, liburutegian aztertuko dugu Oñederraren liburua, Pako Aristiren gidaritzapean.

Non? Azpeitiko Udal Liburutegian.

Noiz? Martxoaren 24an, astelehenean, 18:00etan.

Norentzat? Literaturan interesa duen edonorentzat, eta Intemperies liburua irakurri dutenentzat.

Zertarako? Intenperies liburuaz hitz egiteko, liburua aztertzeko.

Norekin? Pako Aristi

Informazioa gehiago: Denbora desberdin ari da igarotzen. Luziak ez daki noiztik, noiz hasi zen denboraren desberdintasun hori, aldaparik gabeko igarotze hori, iraganetik orainera kolore aldaketarik gabe, bide laua, oharkabean  pasatze hori lehenetik orainera, urteak laburtu eta minutuak luzatu, loditu egin balira bezala. Goizak arratsaldeetatik urrutiratuz doaz eta motel, oso motel gogoratzen dira goizean gertatuak, baina garden, gordin agertzen dira duela hogeita hamar urte entzundako esaldiak, ikusitako begiradak.

Gorputza. Gorputzaren bestelakotze geldiezin hori. Ezinbestean, inevitably, inevitabilmente.

Amodiozko nobela bat? Nobela guztiak dira amodiozkoak.

Nolanahi ere, amodiozko nobela paregabea.

Nork antolatuta? Azpeitiko Udal Liburutegiak.

Oharra: Interesa baldin baduzu gerturatu Azpeitiko Udal Liburutegira.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide