Bihar gaztaina-jana egingo dute Urrestillan

Iazko gaztaina janeko irudia.

19:00etatik prest edukiko dituzte lehen danbolinkadak, plazan edo zimitorioan, eguraldiaren arabera. Gainera, gaztaina-janaren garaian trikitilariak ibiliko dira tabernaz taberna eta plazan.

Bihar, zapatua, urteroko gaztaina-jaina egingo dute Urrestillan, Herri Batzordeak eta Festa Batzordeak antolatuta. Aurten, gainera, tabernariek ere beren aletxoa jarriko dute; horrela, gaztaina-janaren garaian trikitilariak ibiliko dira tabernaz taberna eta plazan. Aurreko urteetan, gaztainekin batera edariak ere jartzen zituzten antolatzaileek, borondatearen truke; aurten, ordea, tabernariek ere ekimenean parte hartuko dutenez, edaririk ez da izango plazan. 19:00etatik prest edukiko dituzte lehen danbolinkadak, plazan edo zimitorioan, eguraldiaren arabera. Guztira, 30 kilo gaztaina erreko dituzte.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide