Mikel Labaka eta Asier Cuevas Gipuzkoako Urteko Kirolari izateko hautagai

Gipuzkoako Foru Aldundiak abian jarri du kirolari onena aukeratzeko prozesua, eta abenduaren 9a bitartean eman daiteke bozka Gipuzkoako Kirol Zuzendaritza Nagusiaren webgunean. Federazioak modalitate desberdinetako 31 kirolari proposatu ditu.

Gipuzkoako Foru Aldundiak abian jarri du 2013ko Gipuzkoako Kirolaria aukeratzeko prozesua. Federazioak moldalitate desberdinetako 31 kirolariak psoposatu ditu, eta tartean dira Mikel Labaka azpeitiar futbolari ohia eta Asier Cuevas Azpeitian bizi den lasterkaria. 

Gipuzkoako Kirol Federazioaren arabera, honakoak dira Mikel Labaka proposatzearen arrazoiak: "Apaltasuna, xalotasuna, borondate irmoa, baloreak eta printzipioak dira pertsona paregabe eta kirolari bikain honen bereizgarri nagusiak". Asier Cuevas, berriz, Europako 100 kilometroko lasterketako txapeldun izateagatik izendatu dute hautagai. 

Abenduaren 9a bitartean eman daiteke bozka www.gipuzkoakirolak.net webgunean, eta bozka gehien jasotzen dituena izango da Gipuzkoako Urteko Kirolari saria jasoko duena.

Mikel Labakaz eta Asier Cuevasez gain, Zumaiako Telmo Deun emakumezkoen taldea ere hautagaien artean da, eta bertako arraunlaria da Itsaso Aramendi azpeitiarra.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide