Gaur (asteartea) Jose Maria Setien Sanagustinen, 'Aho bizarrik gabe' solasaldian

Jose Maria Setien. (DONOSTIAKO ELIZBARRUTIA)

Xabier Euzkitzerekin ariko da berriketan Donostiako Elizbarrutiaren apezpiku ohia, 19:00etatik aurrera, Sanagustin kulturgunean. Orain arteko lau solasaldiak:

Martxelo Otamendi (2013-02-19)
Juan Jose Ibarretxe (2013-03-12)
Benito Lertxundi (2013-05-21)
-
 Maialen Iriarte (2013-07-09)

Azpeitiko Kultur Mahaia, Sanagustin kulturgunea, Uztarria Komunikazio Taldea, Erlo Telebista eta Urola Kostako Hitza dira solasaldien antolatzaileak.

Aho bizarrik gabe solasaldi zikloak hitzordu berria izango du gaur (asteartea). Uda osteko lehen solasaldian, zikloaren bosgarren saioan, Jose Maria Setien izango da aho bizarrik gabe jardungo duena, Sanagustin kulturgunean, 19:00etan hasita. Harekin berriketan eta solasaldia gidatuz, berriz, Xabier Euzkitze azpeitiar kazetaria ariko da.

Jose Maria Setien Alberro (Hernani, 1928) Donostiako Elizbarrutiaren apezpikua izan zen 1979tik 2000. urte hasiera arte; harrezkero, apezpiku emeritua da.

Gonbidatuari aurrez galderak bidaltzeko aukera dago, eta galdera horiek, ahobizarrikgabe@gmail.com helbidera bidali behar dira.

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide