Umeen Eguna argazkitan

Handienak eta txikienak izan dira aurten ere Umeen Eguneko protagonistak. Handienak, goiz eta eguerdi partean Alde Zaharreko kaleak eta plaza Nagusia hartu zituzten hamahiru erraldoi konpartsak; txikienak, nola ez, herriko umeak, egunean zehar haientzat prestatutako ekitaldiez gozatu ahal izan zutenak. Tartean, 200 haur eta gaztetxok hartu zuten parte Haujijijai batzordeak antolatuta haurren Marea Arroxan; Berdura plazan bazkaldu ondoren, jolasak eta kalejira egin zituzten.

Erraldoien dantza lehiaketan, berriz, hamahiru konpartsetatik hamaikak hartu zuten parte -Azpeitiko eta Azkoitiko erraldoiek ez zuten dantzarik egin plazan- eta bi sariak Iruñeara joan ziren: taldekakoa (600 euro) Txantreako erraldoiek irabazi zuten eta banakakoa (300 euro) Errotxapeakoek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide