Oier Ibarguren Gipuzkoako txapeldun

Oier Ibarguren, Beasaingo helmugara iritsi zen unean. (LAGUN ONAK TE)

Lazkaon LVII Esparru proba irabazi ostean izendatu zuten Gipuzkoako txapeldun. Kadete mailako sailkapenean ere aurrena da Atracciones Sanz taldeko azpeitiar txirrindularia.

Atracciones Sanz taldeko Oier Ibarguren azpeitiar txirrindularia Gipuzkoako txapeldun izendatu dute asteburuan, Lazkaon LVII Esparru proba irabazi ostean. Ibarguren denboraldi honetako kadete mailako sailkapenean aurrena da, eta Lazkaoko lasterketan ere lehenengo postuan helmugaratu zen, Iker Imaz (Inoxcra-Beasain), Aitor Zurdo (Limousin) eta Aitzol Odriozola (Atracciones Sanz) txirrindulariekin sprintean nor baino nor ibili ostean. Pelotoia, berriz, lau segundura iritsi zen helmugara, eta guztira 73 txirrindularik bukatu zuten proba.

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide