Gipuzkoako enplegu erregulazioko espedienteen %13a Urola Kostan aplikatu da otsailean

Gipuzkoan otsailean aplikatutako enplegu erregulazio espedienteen grafikoa, eskualdeka.

Euskal Autonomi Erkidegoan, oro har, enplegu erregulazioko espedienteak (EEE) %24 murriztu dira otsailean. Gipuzkoan Donostialdea izan da espediente gehien (%45) aplikatu den eskualdea. Haren atzetik, alde handiarekin (%13) da Urola Kosta.

Eusko Jaurlaritzako Enplegu eta Gizarte Politeketako Sailak azaldu duenez, Euskal Autonomi Erkidegoan, oro har, enplegu erregulazioko espedienteak (EEE) %24 murriztu dira otsailean. Gipuzkoan hilabete horretan enplegu erregulazioko espediente gehien (%45) aplikatu den eskualdea Donostialdea da. Haren atzetik, alde handiarekin (%13) da Urola Kosta, eta Debabarrena eta Tolosaldea dira zerrendan hurrengoak enplegu erregulazioko espedienteen %10a aplikatu dira-eta bietan.

Enplegu eta Gizarte Politikarako Sailak enplegu erregulazioko 265 espediente baimendu zituen Araban, Gipuzkoan eta Bizkaian. Urtarrilean baino %24 gutxiago, eta 2012ko otsailean baino %38 gutxiago. Eteteko erregulazio espedienteak 151 izan dira, 99 lanaldia murriztekoak eta 15 iraungitzekoak.

Espediente guztietatik 133 aurreko baten jarraipena izan dira, eta 2.972 langileri (%75) eragin die. Otsailean onartutako erregulazio espedienteek, berriz, 3.938 langileri eragin die, urtarrilean baino %6 gutxiagori, baina 2012ko otsailean baino %31 gehiagori.

Egun, 1.827 erregulazio espediente daude indarrean Euskal Autonomi Erkidegoan, eta 17.189 langileri eragiten die.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide