Bertso Parrandako bigarren kanporaketa jokatuko da gaur, ostirala, Azkoitiko Etxe Aitz tabernan, gaueko hamaiketatik aurrera. Bax (Beñat Lizaso, Aitor Zinkunegi eta Xenpelar) eta Zapio (Igaro Zinkunegi, Egoitz Alkorta eta Jokin Pio) taldeak arituko dira kantuan.
Hilaren 7an hasi zen Erniarraitz Bertsozale Elkarteak antolatutako Bertso Parradan. Gaurko kanporaketa irabazten duenak Aure taldearen aurka jokatuko du abenduaren 12an egingo den finalaurrekoan. Aure taldea lehen kanporaketako txapelduna izan zen.