Jone eta Mikel bikotea Gipuzkoako Kantu Txapelketan

Bikote azpeitiarrak Sorotan Bele taldearen Amaren Besoetan abestuko du

Txapelketako bigarren saioa larunbatean jokatuko dute, Villabonako Gurea aretoan, 18:00etan

Gipuzkoako XII. Euskal Kantu Txapelketa joan den larunbatean hasi zen, Zumaian. Bigarren saioa, etzi jokatuko dute Villabonan. Bertan, bikoteak eta bakarkalariak ariko dira kantuan; guztira, hamar parte-hartzaile dira eta hamasei abesti entzuteko aukera dago. Bikote bat Azpeitikoa da: Jone eta Mikelek Sorotan Bele taldearen Amaren Besoetan abestuko dute. Saioa larunbatean da, Villabonako Gurea zinema aretoan , 18:00etan.

Kantu Txapelketako hirugarren saioa Azkoitian da, hilaren 25ean, 18:00etan, Baztartxon. Finala, berriz, azaroaren 9an, Donostiako Antzoki Zaharrean.

Parte-hartzaileak

  • Jaigiroan (Onati). Plazatik plazara eta Ilberri edo ilbeheran (Epelde eta Larrañaga).
  • Bea Asurmendi (Arrasate). Malen (Ken Zazpi).
  • Abarlotz (Zaldibia). Nere buruari eta Txori txiki bat naiz (Abarlotz).
  • Leire eta Inar (Villabona-Irura). Gertu izango nauzu (Iñar Sastre).
  • Maialen Etxeberria (Berastegi). Gure bide galduak (Benito Lertxundi).
  • Jone eta Mikel (Azpeitia). Amaren besoetan (Sorotan Bele).
  • Oihane Sarasola (Ibarra). Maite dut (Urtz) eta Loa loa (herrikoia).
  • Inaki Barriola (Berastegi). Irudi biluztuak (Ken Zazpi) eta Zu galdua (Etzakit).
  • Eneritz, Bea eta Ainhoa (Arrasate). Mariñelaren zai (Sorotan Bele) eta Bexamela (Maixa eta Ixiar).
  • Kristina eta Leire (Villabona). Besterik ez naiz (Zea Mays) eta Hitz galduak (Jon Altuna).

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide