Lapatxen konposta egiteko planta aurrera doa

.4.000 tona hondakin tratatuko ditu plantak (Urola Kostako Hitza)

Lapatx zabortegian hondakinekin konposta egiteko planta jarriko dute. Hori, ordea, «planta pilotua» izango da. Urola Erdiko Lapatx Zabortegia S.A.k konposta egiteko ekipamenduak kontratatzeko lehiaketa martxan jarri du dagoeneko. Ekipamenduetarako 1.450.000 euro (BEZ barne) aurreikusi dituzte.

Lapatx zabortegiko konposta egiteko plantak hondakin organikoak konpostatzeko kapazitate jakin bat edukiko du, 4.000 tonakoa, hain zuzen ere. Ez dute edozein hondakin organiko tratatuko bertan, bakar-bakarrik sukaldatu gabeko hondakin organikoak eta inausketako hondakinak eramango dituzte Lapatxera. Era horretan «kalitateko konposta» lortu nahi dute. Lapatxera eramango diren hondakinak jasotzeko beste edukiontzi batzuk jarriko dira herrian, «hondakinak banatuta jasotzeko».

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide