2.572 lagun Urolako trenean Aste Santuetan, iaz baino %77,3 gehiago

  • Jende gehien ostiral santuan ibili zen: 686 bidaiari
  • Arduradunak zerbitzuak gehitu beharrean izan dira

Jende asko ibili da Aste Santuetako bost egunetan Azpeitian Urolako trenean, iaz baino %77,3 gehiago, bertako iturriek gaur jakitera eman dutenez. Denera, 2.572 lagun ibili dira Azpeititik —Trenaren Euskal Museotik abiatuta— Lasao bitartean. Ikusirik jendea erruz azaltzen ari zela, arduradunak zerbitzuak gehitu beharrean izan dira.

Jende gehien ostiral santuan ibili zen: 686 bidaiari. Hurrena gehien, igandean: 587.

Jai egun horietan ireki da bapore-trenaren denboraldia, eta asteburuero ibiliko da azaroaren 1a bitartean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide