Korrika asko
Bistan dago gurean askok egiten dutela korrika. Kanpoko batek baino gehiagok esan didate, atentzioa ematen duela ikusteak Azpeitia-Azkoitia tarte horretan zenbat jende ibiltzen den, batez ere karreren aurretik: Behobia, Donostiako maratoia, Zakilabira, Azpeitia-Azkoitia, San Silbestrea, elkartasun krosa...
Asko bai, baina asko-asko?
Koadrilakoek baietz, portzentajeetan seguru goi-goian gaudela. "Ta ez korrikan bakarrik. Sabiñanigo-n ere Lagun Onak-i sariye eman ziyoaben..."
Datuak eskura
Behobia eta Donostiako maratoiko datuak esku-eskura dauzkagu, Interneten kontsultatzeko moduan baitaude. Eta horixe egin dut nik, kontsultatu eta portzentajeak atera. Honako datu hauek:
- Kopuruak. Behobiatik 2002 eta 2003ko datuak hartu ditut. Aurtengoak, ez daude herrika kontsultatzeko moduan. Donostiako maratoikoak, aldiz, aurtengo datuak hartu ditut, besterik ez dut topatu-eta.
- Herriak. Gipuzkoako 10.000 biztanletik gorako herri guztiak hartu ditut, guztira 19 herri. Bakoitzaren biztanle kopurua, eustat-en webgunetik hartu dut (2001eko datuak dira).
- Ehunekoak. Karrera bakoitza zenbatek bukatu duten esan dit kontsultak, eta gero hori biztanle kopuruarekin alderatuta, ehunekoa atera dut (beno, hamar milakoa): 10.000 biztanleko zenbatek egin duten karrera hori.
Tira, ez da azterketa soziologiko serioegia ere, baina gure kasurako balioko du.
Taula
Hona hemen taula hori, oso-osorik. (Ea txukun xamar ikusten den...)
| HERRIA | BIZT. (2001) | BEHO 2002 | % (10000) | BEHO 2003 | % (10000) | MARA 2004 | % (10000) | |
|---|---|---|---|---|---|---|---|---|
| 20069 Donostia | 178377 | 1142 | 64 | 1059 | 59 | 117 | 6 | |
| 20045 Irun | 56601 | 284 | 50 | 262 | 46 | 27 | 4 | |
| 20067 Errenteria | 38224 | 141 | 36 | 160 | 41 | 19 | 4 | |
| 20030 Eibar | 28219 | 91 | 32 | 87 | 30 | 27 | 9 | |
| 20055 Arrasate | 23118 | 118 | 51 | 124 | 53 | 9 | 3 | |
| 20079 Zarautz | 21078 | 176 | 83 | 171 | 81 | 15 | 7 | |
| 20040 Hernani | 18287 | 121 | 66 | 119 | 65 | 20 | 10 | |
| 20071 Tolosa | 17642 | 125 | 70 | 110 | 62 | 18 | 10 | |
| 20902 Lasarte-Oria | 17195 | 105 | 61 | 96 | 55 | 13 | 7 | |
| 20064 Pasaia | 15962 | 13 | 8 | 42 | 26 | 3 | 1 | |
| 20036 Hondarribia | 15044 | 91 | 60 | 101 | 67 | 14 | 9 | |
| 20074 Bergara | 14965 | 117 | 78 | 110 | 73 | 23 | 15 | |
| 20009 Andoain | 13814 | 83 | 60 | 82 | 59 | 8 | 5 | |
| 20018 Azpeitia | 13708 | 159 | 115 | 156 | 113 | 24 | 17 | |
| 20019 Beasain | 12108 | 83 | 68 | 85 | 70 | 6 | 4 | |
| 20059 Oñati | 10705 | 90 | 84 | 91 | 85 | 13 | 12 | |
| 20032 Elgoibar | 10440 | 56 | 53 | 43 | 41 | 5 | 4 | |
| 20017 Azkoitia | 10272 | 56 | 54 | 44 | 42 | 11 | 10 | |
| 20080 Zumarraga | 10175 | 46 | 45 | 48 | 47 | 6 | 5 |
Ondorioak
Kuriosoa: aztertutako hiru karrera hoietan, hiruretan, azpeitiarrak izan dira nagusi parte-hartzean. Behobian, gainera, alde haundiarekin.
Beraz, arrazoia eman beharko diot koadrilakoari: Azpeitian, proportzioan, Gipuzkoan beste inun baino gehiago parte-hartzen da korrika-karreretan. Behobia eta Donostiako maratoian behintzat, bai.
Orain, ordea, zergatik galdetzea tokatzen da.
- Toki oso-oso ona dagoelako korrika egiteko.
- Izakeraz, besteak baino "konpetizio" zaleagoak garelako gurean.
- Diego Garcia-ren eraginagatik.
- Beste herrietan baino denborapasa gutxiago ditugulako, eta besterik ezean, ala, denok korrika!
- Besteak baino sasoi txarragoa daukagulako, eta beraz, gehiago ibili behar.
- A ze tonteria! Behobia eta Donostiako maratoian gehiago irtengo dira azpeitiarrak, baina besteetan...
- ...
Zergatik iruditzen zaizue zuei? Kuriosoa iruditu zait niri, behintzat.