Mikel Aranburu: "Urduri gaude biharko, baina pazientzia izan beharko dugu"

  • Realeko jokalariari elkarrizketa egin diote Berria-n, igandeko partida garrantzitsua dela eta
  • "Irabazteko gogo handia" dutela dio, "eta futbolean jokatuz" irabazi behar dela

Mikel Aranburu azpeitiarra da une hauetan Realean sasoirik onenean dagoen jokalaria, ederki ari baita jokatzen.

Bihar, igandea (17:30, Anoeta estadioa), oso partida garrantzitsua du Realak, Malagaren kontra, Espainiako Bigarren A Mailara jaisteko arriskua duelako, eta Aranbururen jokoak garrantzi handia izango du.

Hori dena dela eta, Berria-k gaur elkarrizketa egin dio.

Haren adierazpen batzuk:

  • "Urduritasun pixka bat izan arren, handiagoa da irabazteko gogoa".
  • "Jokalari eta zaleek, denok, partida aurrera atera nahi dugula erakustea ona litzateke".
  • "Gogor irtetea ondo dago, baina futbolean jokatuz irabazi behar dugu. Pazientzia izateak ere asko balio du".
  • "Xabi Alonsok ez dit itzalik egiten".

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide